Baztanen, Natura 2000 Sarearen barnean, Kontserbazio Bereziko Eremu gisa aitortuak daude hainbat eremu: Gorramendi-Aritzakun-Urritzate, Arxuri-Orabidea, Aldude, Belate, Artesiaga eta Baztan uhaldea.
Mintzaldiaren bidez, «Baztango eremu berezi horien balio ekologikoa zein den ezagutaraziko da, eta horietako bakoitzaren kudeaketa planak biodibertsitatearen babeserako eta tokiko garapenerako paratu dituen irizpideak aztertuko dituzte. Bertzeren artean, Berastegik, kudeaketa plan horietako batzuen idazketan parte hartu baitu».
Aipatutako guneek «Baztango lurraldearen herena baino gehixeago hartzen dute, eta horregatik, gure lurraldea hobekiago ezagutzeko mintzaldi ezin hobea izanen da».