Berroetako Mendi Elkarteak mendi lasterketa antolatu du bertze urte batez eta maiatzaren 9an izanen da bederatzigarren edizioa. Aurten, bi ibilbide izan beharrean, hiru eginen dituzte:
- L ibilbidea: 21 kilometroko luzera eta 1.275 metroko desnibela, Saioako kaskoraino igango da.
- M ibilbidea: 15 kilometroko luzera eta 737 metroko desnibela.
- S ibilbidea: 10 kilometroko luzera eta 367 metroko desnibela.
Berroetan hasi eta akituko dira hiru ibilbideak eta batera abiatuko dira, 09:00etan. Dortsal banaketa, berriz, 08:00etan hasiko da. Izena ematea irekia dago herrikrosa.eus webgunean, 22 eurotan, eta lasterketaren egunean ere izena emateko aukera emanen dute 08:45ak arte. Informazio osoa eta araudia ikusteko egin klik hemen.