Baztango Gizarte eta Berdintasun Zerbitzuak Emakume Artisten Zikloa antolatu dute maiatzaren 11n eta 18an Arizkunenean, 17:30etik 19:30ean. Artearen historian bigarren planoan gelditu den emakumearen figura herritarrei plazaratzea du helburu tailerrak. Saio teoriko eta praktikoak izanen ditu, emakume artista esanguratsuak ezagutzeko eta alde praktikoa lantzeko. Partaide bakoitzak norberak egindako artelan eta fanzine bat eramanen ditu etxerat.
Tailerrean parte hartzeko izena ematea beharrezkoa izanen da, helbidearen bidez.