Etekin handiena ostatuak (18.245 euro) eta tonbolak (5.818 euro) eman zuten. Gasturik handiena, berriz, bazkalondoko besta (13.344 euro) eta desfilea (9.034 euro) izan ziren.
Aurkezpenean elkartearen egituraz ere mintzatu ziren. Gaur egun 26 lagunek osatzen dute Baztandarren Biltzarra Elkartea, eta boluntarioen laguntzarekin batera bortz komisiotan banatzen dituzte lanak: desfilea, sukaldea, bazkalondoa, tonbola eta ostatua. Joan den urteko berritasun gisa, ostatuko barra berritu eta barrakoia txukundu zuten.
Aurtengo bestari begira, ekainean aurkeztuko dute kartel berria eta uztailaren 19an ospatuko dute 63. Baztandarren Biltzarra.