Auzolanean sortu dute egitasmoa eta taldearen erranetan, «ez da lasterketa hutsa izanen: musika, gastronomia eta ekitaldi kulturalak izanen dira Erratzun, herria biltoki bihurtuz bai lasterkariendako, bai lagun eta senideendako ere. Ez da edizio gehiagorik egonen; Kaxtrail bakarra eta berezia izanen da».
Probak hiru modalitate izanen ditu: erronka nagusia izanen den 45 km-ko lasterketa, ibilbidea erdibana egiteko binakako proba mistoa eta ibilaldi mendizalea, erritmo lasaian. Aitzinerago emanen dute ibilbide zehatzaren, izen ematearen eta gainerako informazioaren berri.
Bidea garbitzeko deialdia
Lasterketarako bidexendak garbitzeko hitzordua eginen dute ilbeltzaren 24an. Lagundu nahi dutenek hilaren 20ra arte izanen dute izena emateko aukera. Horretarako hurrengo lotura zabaldu du antolakuntza taldeak.