Amaren alabak
Amaren Alabak 6 emakumez osatutako taldea da: Maider Bedaxagar, Graxi Bedaxagar, Lüxi Agergarai, Arantxa Camus, Ihitz Iriart eta Maika Etxekopar. Zuberoarrak dira jatorriz, eta 11 urte zituztenetik elkarrekin abesten dute, unibertso propioa sortuz, euskaraz, portugesez, aragoieraz edo italieraz, kantu tradizionalen bitartez. Kantua da haien tresna bakarra, eta dantza dute lagun maiz, doinu zaharrei kadentzia emanez.