Baztandarrek ere lasterka akitu zuten urtea, San Silvestre lasterketaren 15. edizioarekin. Urtetik urtera lasterkari gehiago izaten ditu probak eta azken edizioan inoiz baino jende gehiagok parte hartu du; 367 lagun lasterketa nagusian eta 173 neska-mutiko ttikien lasterketan, 540 denetara (iaz, erraterako, 429 izan ziren guztira).
Gizonezkoetan Unai Barazabal izan zen bertze behin irabazlea (12:20), bigarren Gartxot Iribarren (12:50) eta Iñaki Ordoki hirugarren (13:00). Emakumezkoetan, berriz, Rebeca Mariñok irabazi zuen (15:19), Ines Aguado bigarren (16:09) eta Jaione Perurena hirugarren, hiru segundoko aldearekin (16:12).