Langileek «benetako negoziazioa» nahi dute, «baldintzak hobetuko dituen hitzarmena lortzeko, soldatak hobetuz, lanaldia murriztuz eta lan kargak gutituz». Hiru eguneko martxarekin beraien aldarriak Elizondotik Iruñera eraman nahi dituzte, gisa horretara «gure egoeraren arduradunak, enpresaren zuzendaritza eta Nafarroako Gobernua, Iruñean daudela garbi irudikatuz».
Atzo, abenduaren 10ean, Elizondotik Mugairirako bidea egin zuten; gaur, abenduaren 11n, Mugairitik Arrera joanen dira, eta horretarako hitzordua 10:00etan egin dute. Bihar borobilduko dute martxa, Arretik Iruñera joanez. Horrez gain, bihar, Iruñean parlamentuaren aitzinean ekitaldi nagusia eginen dute, 11:00etan.
