Elizondo Lanbide Eskolako Ostatu eta Garbiketa Laguntzaile Zikloko ikasleek, Haur Hezkuntza Zikloko ikasleekin elkarlanean, Palestinaren aldeko txokolate solidarioa antolatu dute azaroaren 26an, 10:00etatik aitzinera, Elizondoko plazan. Bide beretik, Baztan Ikastolako eta Elizondo Eskola Publikoko ikasleek ere euren ekarpena eginen dute. Hala, Fermin Muguruzaren abesti batekin sortutako dantza erakustaldia eginen dute eta bertzelako dinamikak ere prestatu dituzte goiz osorako.
Elizondo Lanbide Eskolatik abiarazi dute egitasmoa eta Baztan Ikastolako eta Elizondoko Eskola Publikoko ikasleek ere parte hartuko dute. Are, lortutako irabaziak Palestinaren alde lanean ari den Yala elkarte nafarrari bideratuko zaizkio.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun