Hitzorduan osasun publikoaren egoera izanen dute hizpide eta zenbait ikuspuntu diferentetako zenbait ahots izanen dira entzungai: Lazaro Elizalde, Nafarroako Osasun Plataformako kidea; Bene Agirre, familia medikua; Fernando Anbustegi, Osasun Kontseiluko burua eta Aitzol Iturbe, Baztango Osasun Plataformako kidea.
Bertzetik, irail hasmentatik, «osasun publiko duina exijitzen segitzeko» asteazkenero elkarretaratzeak eginen zirela iragarri zuen Baztango Osasun Plataformak. Hala ere, oraingoan, ortzegunean, mahai ingurua antolatu duenez, asteazken honetan elkarretaratzerik egonen ez dela jakinarazi du.