Bihar, urriak 29, eta ortzirale arratsaldean, urriak 31, jardunaldi ugari prestatu dituzte Elizondon:
Urriak 29
17:30ean 3 eta 6 urte bitarteko haurrendako marrazki tailerra eginen dute Arizkunenean eta ondotik, 18:45ean, 6 eta 10 urte bitartekoendako beldurrezko ipuinen kontaketa eginen dute liburutegian.
Urriak 31
17:00etan Elizondoko adinekoen egoitzan bildu eta hortik abiatuko dute kalejira herriko plazaraino. Ondotik, 17:30etik 18:30era bitarte, aurpegi margoketa izanen dute eta txokolate beroa eskainiko dute. 18:30ean, 7 urtetik goitiko haurrak dendaz denda pasatuko dira eskean eta beldurraren gorapea deiturikoa izanen dute liburutegi parean; bidenabar, 7 urtetik beheitikoendako ipuin kontalaria izanen da plazan. 19:30ean etxetik ekarritako beldurrezko idatziak erreko dituzte eta 20:00etan dantzaldia eginen dute plazan. Gainera, gaztaina jatea eta sagardo dastaketa ere eginen dituzte tarte horretan. Bertzalde, 19:00etatik 21:30era bitarte, Hiruko Scape Room lokalean Gau Beltzaren harira, jardunaldi bereziak eskainiko dituzte.