Borzgarrenez segidan irabazi du Kortariko Bordak Ordiziako Txapeldunen lehia, eta denera sei aldiz nagusitu da Ordiziako Txapeldunen Txapelketan.
Aurten araudi aldaketa eginda, azken hamar urteetako txapeldunek parte hartu beharrean, azkan hamar txapeldunek hartu dute parte. Kortariko gasnak 9,17ko puntuazioa lortu du txapelketan. Bigarren saria La Leze gaztandegiak jaso du (8,92 puntu), eta hirugarrena Ondarrek (8,20).
Urrezko Gazta saria ere irabazi du Kortariak bederatzi puntu baino gehiago lortu dituelako. Azken urteetan zortzi puntu baino gehiago lortzen zituzten gaztek irabazten zuten sari hori, baina, azken urteetako «kalitate maila igoera» ikusita, aurten bederatzi puntura igo dute. Hala ere saria irabaztea lortu dute baztandarrek.