Sei bertsolari ariko dira kantuan larunbateko saioan: Amaia Elizagoien Varela baztandarra, Endika Legarra Nuin, Josu Sanjurjo Altzuri lesakarra, Julen Zelaieta Iriarte beratarra, Patxi Castillo Graziarena beratarra eta Xabat Illarregi Marzol leitzarra. Saioa aurkezten Ainhoa Larretxea Agirre beratarra ariko da.
Sarrerak salgai daude www.bertsosarrerak.eus atarian; egunean bertan ere salduko dira leihatilan, 16:00etatik aitzinera, baldin eta aitzinetik Interneten agortzen ez badira.
Nafarroako Bertsolari Txapelketako hirugarren saioa izanen da Iruritakoa. Orain arteko saioak Eneko Lazkozek eta Julio Sotok irabazi dituzte, eta biek lortu dute finalaurrekoetara sailkatzeko txartela.
Lehen faseko azken saioa Los Arcosen eginen dute urriaren 26an, eta orduan erabakiko da zein hemezortzi bertsolari sailkatuko diren finalaurrekoetara.