Iruritako pala txapelketako finalak jokatu dituzte asteburu honetan. Lehen mailako finalean, Gartzaingo Aritz Elizegik eta Narbarteko Egoitz Gamiok 25-22 irabazi zieten Narbarteko David Albiasuri eta Zigako Xanti Ibarrari. Pilotari onenaren saria ere Egoitz Gamiok eraman zuen.
Bigarren mailako finalean, Elizondoko Aingeru Olabek eta Dario Trantxek 25-19 irabazi zieten Berroetako Asier Gamiori eta Unai Santxotenari.
Txapelketa mistoan, berriz, Iruñeko Mikel Nuin eta Irati Nuin aita-alabek 25-21 irabazi zieten Soraureneko Leireri eta Koxkiri.