Zesta punta profesionaleko 2025-2026 denboraldiari Elizondon emanen diote jarraipena heldu den asteburuan. Horrela, urriaren 18an, bi partidaz disfrutatzeko aukera edukiko dute herritarrek Elizondoko Juanjo Atxa Mindegia pilotalekuan. 19:00etan hasiko dira partidak; lehenbizi, Ihart eta Eneritz, Maite eta Maialenen kontra jokatuko dira eta ondotik, Erkiaga eta Zabala, Barandika eta Lekerikaren aurka arituko dira.
Sarrerak egunean berean pilotalekuan erosten ahalko dira 14 eurotan edota bertzenaz, aurresalmentan erosi daitezke 12 eurotan. Hamabortz urtez beheitikoek ez dute sarrerarik ordaindu beharrik izanen.