Altxuko Dendako arduradun Koldok TTIPI-TTAPAri kontatu dionez, dena «ederki» atera eta «hainbertze jende» bildu zen larunbateko ospakizunean.
Alazne Untxalo Erregerena eta Malen Altzuart Aranburu bertsolariak, Mikel Alzate Cordoba txistularia eta Eider Irisarri Iturburua, Ane Alzate Cordoba, Nahia Ibargarai Santesteban eta Laia Tapia Rekarte musikariak aritu ziren ekitaldian.
Dendako arduradunak hitzaldi bat egin zuen hogei urteen errepaso bat eginez eta herritarrak eskertuz. Hildako bezeroak oroitu zituen eta bezero batzuei loreak ere oparitu zizkien. Besta borobiltzeko, hamaiketakoa banatu zuten. «Ni arras gustura gelditu naiz eta bezeroak eta herritarrak ere eskertuta daude».