Azken asteotan Almandozko eskolan jarduera solidarioak egin dituzte, bidenabar, eskola bizi-bizirik dagoela argi utzi dute.
Batetik, palestinar herriarekiko eta bereziki palestinar haurrekiko elkartasun keinuak egin dituzte, Gure haurrak ere badira ekimenera batuz. Horrela, irailaren 16an herriko frontoian mural margotu zuten, margoketan parte hartzera eskola komunitate osoa zein herritarrak gonbidatuz. Bide beretik, ekimenak are eta gehiago indartzeko, urriaren 2an, Palestinari babesa eskaintzeko elkarretaratzea egin zuten eskolako sarreran.
Bertzetik, urriaren 3an, haurren minbiziari buruz hausnartzeko aukera aprobetxatu zuten ADANO elkarteko hezitzaileek gidatutako tailerraren bitartez.