Ortziraleko erlojuaren kontrako lasterketaren ondotik, San Leonardo de Yagüe (Soria) herrian jokatu ziren asteburuan Espainiako Master Txapelketako errepideko lasterketak. M60B kategorian, Mariezcurrena-Josenea-Malkorra Baztandarra Txirrindulari Elkarteko Francisco Javier Meoki Galarregi elizondoarrak erraz irabazi zuen.
Master M60B kategorian nagusitu zen igandean Soriako San Leonardo de Yagüen
55 kilometroko lasterketa burutzeko ordubete, 14 minutu eta 12 segundo behar izan zituen Meokik, orduko 44,47 kilometro banaz bertze. Bigarren sailkatu zen Mallorcako Jaume Fonti (CC Mancor de la Vall) lau minutu baino gehiagoko aldea atera zion (1.18.27), hirugarren izan zen Galiziako Manuel Prietori (Norinver Cycling Team) bezalaxe.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.