Lotura basatiak antzezlan eszenikoa eskainiko dute etzi Iruritako Gizarte Bilgunean, ama izatearen barne borrokan murgiltzeko gomita egiteko helburuarekin.
Pieza eszenikoa, gorputzaren eta emozioen arteko interbentzio gisa definitu dute egileek, gorputza, mugimendua eta hitza elkartzen baitira pieza honetan, zainketaren eta loturen sakonera eta erraietara zuzenean sartuz. Bide beretik, amatasun gozo, isil eta erromantizatutik atera eta erosotasunetatik kanpo errealitateaz kontzientziatzeko erronka proposatzen du antzerkiak, amatasun esperientzia errealen bitartez.