10:00etan harrera eginen diete gainerako herrietako haurrei eta gurasoei eskolako sarreran herriko erraldoiekin. Ondotik, herrian barna itzulia izanen dute. Parte hartzaileek bi ibilbide izanen dituzte aukeran: 2,8 kilometro dituen ibilbide motza herrian barna eta 6,8 kilometroko ibilbide luzea baserrietan barna. Ondotik, 12:00etan elkartuko dira frontoian eta hamaiketakoa jan bidenabar, ipuin kontalaria ikusi eta aurpegiak margotzeko aukera ere izanen da.
14:00etan bazkari autogestionatua eginen dute, eta horretarako bakoitzak bazkaria eta bazkaltzeko tresna denak eraman beharko dituela oroitarazi dute antolatzaileek.
Bazkalondoan, eguna borobiltzeko, 15:30ean hasita hiru orduz puzgarriak, jolas parkea, zaldian ibiltzeko aukera, musika, sutopilak eta hainbat sari zozketatuko dituzte.