Pasa den urtean, mediku faltak herritarrengan sortu zuen ezinegona eta kezkaren ondorioz sortu zuten Baztango Osasun Plataforma. Osasun arreta duina eskatzeko asmoz. Aurten, irailaren 13an, urteurrena eginen du plataformak eta baita ere bertze urte bat eginen du bertako osasun arreta duin faltak.
Horren harira, elkarretaratzea deitu dute plataformako kideek, irailaren 17an, 19:00etan, Elizondoko Osasun Etxearen aitzineko aldean. Are, lehenbiziko mugimendu honi segida emateko, urriko lehenengo asteazkenetik aitzin, hilabetero elkarretaratzeak egitea aurreikusten dela jakinarazi dute.