«Flamenkoaren, jotaren, euskal kantagintzaren, rap-aren eta gehiagoren arteko fusioan oinarritzen da proiektua»
Castazabal musika proiektua, «bizitzen ari garen testuinguru historikoan oinarrituta, penintsulako herrien arteko batasuna aldarrikatzen duen begirada eman nahi duen proiektua» da. Gainera, muturrekoagoak diren ideologiak eta gizarte klase markatuak direla eta, enpatia eta desberdinarekiko errespetu falta pairatzen duten pertsonen arteko batasuna bultzatzeko helburua duenez, lehen begiradan kontrakoak diruditen musika estiloen nahasketatik abiatu da. Hola, flamenkoaren, jotaren, euskal kantagintzaren, rap-aren eta gehiagoren arteko fusioan oinarritu da.
Lana inplikazio osoz garatu ahal izateko, hautatutako musika estilo horiek ordezkatzen dituzten herrietan garatu da proiektua: Sevillan, Cadizen, Kordoban, Madrilen eta, jakina, Nafarroan. Horren bidetik, testuinguru desberdinetan murgiltzeagatik, proiektuak izate propio eta espeziala hartu duela esplikatu dute sortzaileek.