Baztango Udalak kulturarekin zerikusia duten egitasmoak eta «Baztango haurren kultura prestakuntzan lagunduko duten egitasmo eta jardueren garapena sustatzea» ditu helburu. Hortaz, bi dirulaguntza mota banatuko ditu 2025ean egin nahi diren kultur ekitaldiak laguntzeko. Bata elkarteendako izanen da eta bertzea, berriz, zehazki guraso elkarteak direnendako.
Eskaera aurkezteko epea zabalik dago dagoeneko. Elkarteei bideratutako eskaera aurkezteko epea azaroaren 7ra arte egonen da zabalik; eta guraso elkarteei bideratutakoa aurkezteko epea, aldiz, azaroaren 3ra arte. Eskaera Sede Electrónica - BAZTAN edota edozein erregistro ofizialen bidez aurkeztu beharko da eta honako irizpide nagusi hauek bete beharko ditu onartua izan dadin:
- Burutu nahi den ekimenak euskararen erabilera bultzatzea.
- Formakuntza izatea, hau da; ikastaroak, tailerrak, hitzaldiak....
- Sormen lana izatea, erakusketa, adibidez.
- Artistikoa edo antzeko izaera duen jarduera izatea: kontzertua, antzezlana, emanaldia...
- Herritar guziendako irekia izatea.
- Genero-berdintasuna edota emakumeen aurkako indarkeriaren prebentzioa sustatzea.
Dirulaguntzen eta eskaera aurkezpenen inguruko informazio gehiago eskuratu nahi izanez gero, hemen dago eskuragarri.