Pasa den urtean dirulaguntza bat lortuta, «eskoletan lantzeko unitate didaktikoak eta ekoizleen etxaldeetan bisita gidatuak» antolatu genituen. «Lehenengo urtean harrera nahiko ona izan genuen eta aurten pixka bat jaitsi da».
«Proiektua ez dugu unitate didaktikoa eta esplotaziora bisita planteatzen, txango edo egun pasa bat bezala. Eskola barnean elikadura eta nekazaritza lantzen denean, ingurugiroa lantzen denean lanketa bat egin, material didaktikoa landu eta esplotaziora bisita batekin bukatu». Hala ere, eskolek bisita lekura garraioan joateko dituzten zailtasun ekonomikoak ikusita, «elkarte bezala eratzea erabaki dugu, dirulaguntzaren bat lortzeko, eta eskolak laguntzeko».
Haurrekin eta gaztetxoekin lanketa egitea da proiektuaren funtsa, «jakin behar dute zer diren herri lurrak, jakin behar dute ingurua horrelakoa dela baten batek horretan lana egiten duelako. Ikusi behar dute horrelako proiektuak bideragarriak direla eta nekazaritza bertze aukera bat dela».