Richard H.Driehaus Arkitektura Lehiaketa nazioarteko lehiaketa irekia da eta toki bakoitzeko formak, materialak eta izaerak eustea, eguneratzea eta aldi berean jarraipena ematea du helburu. Gainera, hiri edota herri ingurune ederragoak, koherenteagoak, jasangarriagoak eta sozialki integratzaileagoak sortzeari jartzen dio arreta.
Edizio bakoitzean hainbat leku aukeratzen dituzte arkitektura proiektuak sortzeko horien bueltan; eta aurten Iruritako Herria izan da hautatuetako bat. Horrela, arkitekto ugarik Iruritako Herrian eraikitzeko arkitektura planak sortu dituzte eta Javier Manén, Enric Mas eta Tomas Masó, hiru arkitekto katalanek sortutako Ni arrai! proiektua izan da saritua.
Ni arrai!
Ni arrai! arkitektura planak Iruritako erreboteko Dolantxea, hutsik dagoen eta Balleko Etxearen aldetik bereganatze prozesuan dagoen etxe zaharra, erreformatzea du oinarri. Etxea errebotean jokatzen den laxoaren interpretaziorako zentro bihurtzea proposatzen dute arkitektoek, begiratoki izateaz gain, espazio didaktiko, ludiko eta kultural gisa aprobetxatzeko. Etxeaz gain, kanpoko aldean duen baratzea lantzea eta berpiztea ere proposatu dute.
Fernando Anbustegi, Baztango alkatea, sari banaketan Segovian.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!