Baztango Mendigoizaleek Baztango Mendi Itzulia antolatu dute 30. aldiz eta Berroetaren txanda izan da aurtengoa. Herrian hasi eta akitu zen ibilaldia eta egunaren balorazio positiboa egin dute antolatzaileek; «arras kontent gelditu gara, eguraldia ezin hobea izan zen mendian ibiltzeko eta ederki atera zen dena».
540 parte hartzaile izan zituen ekitaldiak, «bertakoak baina baita txoko guzietatik etorritakoak ere: Iparraldetik, Gipuzkoatik, Bizkaitik… Etxekoak eta kanpokoak, denak kontent ibili ziren, ibilbidea ikusgarria baitzen; paraje ederrak, errekak, bistak… pila bat gozatu zuten. Gainera, jendeak aunitz eskertzen du 30 urtetan ez dugula ibilbidea behin ere errepikatu, desberdina da beti».