Bi puntu nagusiri buruz ariko dira bileran. Alde batetik, Txokotoko Muniartea zubia oinezkoentzako bihurtzeko proposamena aztertzea. Bertzetik, Braulio Iriarte karrikako 44an (Mendinuetako zubia) seinale bat paratzeko proposamena ere aztertuko dute. Seinale horrek honakoa arautuko luke: Braulio Iriarte karrikatik Txokoto auzorantz kotxearekin soilik bertako bizilagunak eta hor lo egiten dutenak pasatu ahal izatea.
Horrekin batera, galdera eta eskeak egiteko aukera izanen da.
Herritar guztiei zuzenduriko batzarra da baina, bereziki joateko deia egin diete zuzenean kaltetutako bizilagunei.
Jakinarazi dute batzarrean ez dutela behin betiko erabakirik hartuko, solastatuko dena ekainean Herriko Etxean eginen duten batzarrera eramanen dutela.