Goizean goizetik besta giroa nagusitu zen Elizondon. Baztango Gaitarien 25. urteurrena ospatzeko erraldoien topaketa antolatu zuten. Jo ala Jo taldeko, Elizondoko, Doneztebeko, Etxalarko, Irurita, Berako eta Sunbillako konpartsak elkartu ziren erraldoiak dantzatzeko.
Horiek musikaz laguntzeko, Baztango Gaitariez gain, Amaiurko, Erratzuko, Ezpelurko, Berako eta Lesakako gaitariak aritu ziren musika jotzen eta baita Tuku-tuku eta Elutxa txarangak ere.
Goizean, karrikabuelta egin zuten eta hori borobiltzeko denek batera dantzatu zuten Elizondoko plazan. Ondotik, bazkaria egin zuten frontoian eta arratsaldean Baztango Gaitariek emanaldia egin zuten soinulariekin eta erraldoiekin.