LGTBIQA+fobiaren Kontrako Nazioarteko Egunaren harira, Baztango Berdintasun Zerbitzuak 'Kuir' ihes gela antolatu du maiatzaren 15ean. Arizkuneneko beheitiko solairuan 18:00etan izanen da ekimena, eta 8 eta 12 urte bitarteko haur eta gaztetxoei egonen da zuzendua.
Joan den urtean sortu zen 'Kuir' egitasmoa eta haurrek «aniztasuna, errespetua eta elkarlana balio positibo gisa bizitzea eta ikastea» du helburu, «betiere modu dibertigarri eta parte hartzailean». Horretarako, «partaideek pistak aurkitu, erronkak gainditu eta taldean lan egin beharko dute abentura akitzeko».
Parte hartzeko izena eman beharko da, 613 003 634 telefonoan edo berdintasuna@baztan.eus helbidean.