Bertan Baztan elkarteak feria antolatu du bertze urte batez Aste Santurako. Elizondoko karrikak postuz beteko dira egun osoan apirilaren 18an eta 19an, 10:00etatik 20:00etara. Komertzioen postuez gain, Baztango Zaporeak eta Baztango Artisauak elkarteetako ekoizle eta eskulangileak ere bertan izanen dira. Gainera, goizetan gaiteroek girotuko dute feria.
Erratzuko artisauak
Erratzuko artisauak ere karrikara aterako dira aste honetan. Bihar, apirilaren 17an, Elizondoko plazan izanen dira eta igandean, apirilaren 20an, Erratzuko plazan. Denetik ikusteko eta erosteko aukera izanen da: Bitxiak, gasnak, ukenduak, eztia, sagar zukua, euskal pastelak, xaboiak, artile lanak, eskuz egindako osagarriak, zurezko lanak, larrugintza, garagardo artisaua, eskuz serigrafiatutako arropak...