DRS Razing taldeak Izpegiko Igoeraren zazpigarren edizioa antolatu du maiatzaren 3an Erratzun, Izpegiko lepora. Egitaraua urterokoa izanen da: 09:00etatik 12:00etara egiaztapenak eginen dituzte Erratzuko frontoian, errepidea 13:00etan hetsiko dute eta igoera 14:30ean hasiko da.
Partaideek lau saiakera eginen dituzte guzira, lehenengo biak entrenamendu gisa eta azkeneko biak ofizialak. Proba puntuagarria da Nafarroako Mendi Txapelketarako eta Nafarroako Junior Mendi Txapelketarako. 20:00ak aldera sari banaketa eginen dute Erratzuko plazan.
DRS Razing taldeak eskerrak eman dizkie babesle guziei, «haien laguntzarik gabe ez baitzen posible izanen igoera antolatzea».