Heldu den larunbatean, martxoaren 29an, Anizen Nafarroako Bizikleta Txapelketa eginen da 16:30ean. Txapelketa Nafarroako kirol jokoetarako puntuagarria izanen da kimu eta haurrendako. Hauek ibilbide bat izanen dute, puntuagarria izanen dena, eta ttipienek eta hasi berriek bertze ibilbide bat izanen dute. Hortaz, lau kategoria izanagatik, bi ibilbide izanen dira. Nafarroa guztitik 100-120 neska mutiko etorriko direla aurreikusten da.
Honen antolaketan Baztandarra Txirrindulari Taldea ari da, baina bistan denez, lan handia eskatzen duenez, aniztarrak ere hor egonen dira laguntzeko.