Heldu den astean, berriz, bi kontzertu eta solasaldi bat izanen dute. Martxoaren 21ean, ortziralea, Jim and Mike madrildarrek blues, rock eta soul kontzertua emanen dute 22:00etan. Biharamunean, larunbata, Hot Mess rock klasikoko talde euskaldunaren kontzertua izanen dute 13:00etan. Igandean, martxoak 23, Aitor Ventureirak Ecos del bosque liburua aurkeztuko du 19:30ean. Euskal Herriko baso eta zuhaitzak ditu hizpide liburuak eta aurkezpena gaztelaniaz izanen da.
Martxoko azkeneko asteburuan ere musika izanen da nagusi. Hilaren 28an, ortziralea, Old Time Spooks euskal taldeak spooky hillbilly punk doinuak taularatuko ditu 22:00etan. Igandean, martxoak 30, Mahl Kobat bakarlari akustiko euskaldunak kontzertua emanen du 19:30etik aitzinerat.