«Taldekide berrien beharra» nabarmendu dute, «ideia berriak izateko eta urteetan aritu direnen erreleboa hartzeko». Adierazi dutenez, «bileretara etorri nahi baina, data edo ordutegiengatik ezin dutenek, Instagrameko kontuaren (@elizondoko_bestak) bidez edo edozein taldekideren bitartez jar daitezke harremanetan komisioarekin. Denen iritzi eta ideiei irekiak gaude eta laguntza guzia ongi etorria izanen da».
Horrez gain, gogoratu dute «hilabete parrasta bat aritzen garela lanean bestak aitzinerat ateratzeko, ikusten ez den lana eta aunitzetan eskertua ere ez». Izan ere, bestetan «zenbait jokaera desegoki eta errespetu falta» izaten direla salatu dute, «adibidez, zikiroaren ondotik mahaia biltzean eta frontoia garbi uzteko orduan». Hortaz, «elkarlanean eta errespetuz jokatzeko» eskatu diete elizondoarrei, «bestak denok disfrutatu ditzagun».