Emakumearen Nazioarteko Egunaren karietarat, Baztango zortzi emaztekiren historiak bildu ditu Bertan Baztan merkataritza, zerbitzu eta ostalaritza elkarteak. Azaldu dutenez, «Francisco Joaquin Iriarte egoitzan bizi diren zortzi emakumeri ahotsa eman nahi izan diegu, haien istorioak konta ditzaten. Istorio horiek, bertze aunitzekin batera, Baztango historia definitzen lagundu dute».
Hurrengo egunetan elkarteko kideek istorio horiek erakutsiko dituzte, «herritarrek gure historiari buruz pixka bat gehiago jakin dezaten».