Elizondoko Antxitonea trinketearen paleta goma txapelketaren 75. urteurreneko finalak jokatuko dituzte otsailaren 22an. Lehenik, larunbatean 10:00etan, aurten lehen aldiz paleta argentinarrarekin aritu diren emakumeen finala jokatuko dute Izaskun Arrosagaraik eta Paula Gorostiagak, Marie Martineren eta Aizkoa Iturrinoren kontra.
Ondotik, 11:00etan, bigarren mailako finala jokatuko dute Olabek eta Maiak, Asiainen eta Gamioren kontra eta segidan, lehen mailako final nagusia jokatuko dute Albiasuk eta Argarate I.ak, Oskarizen eta Barberenaren kontra.
Finalak jokatu ondotik sariak banatuko dituzte eta, ohi denez, bazkaria izanen dute gaur egungo eta garai bateko pilotariek.