Berroetan, Baztango gainerako herrietan bezala, desfibriladorea paratu dute eta horren aitzakian, lehen sorospen ikastaroa izan dute herrian. Hitzorduak arrakasta handia izan du; 40 lagunetik goiti elkartu dira Berroetako batzartegian. Ikastaroa herriko Elena Danboriena eta Anizko Arantxa Etulain erizainek eman dute.
Desfibriladorea nola erabili erakusteaz gain, oinarrizko bizi euskarria nola praktikatu erakutsi dute, baita pertsona bat konbultsioekin hasiz gero edo zintzurrean zerbait trabatuz gero, zer egin behar den ere. Beharrezkoa bezain interesgarria izan da ikastaroa; esker mila bi erizainei!
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!