Baztango Berdintasun Zerbitzuak oinarrizko konponketak egiten ikasteko lantegia antolatu du, emakumeei zuzendua. Elizondo Lanbide Eskolan emanen dituzte klaseak eta bortz saio izanen ditu ikastaroak: otsailaren 19an eta 26an eta martxoaren 12an, 19an eta 26an. Lehenbiziko saioa 18:00etatik 20:00etara izanen da, eta gainerakoak 17:30etik 20:00etara.
Izena emateko berdintasuna@baztan.eus helbidera idatzi edo 613 003 634 telefonora deitu beharko da. Baztanen erroldatutako emaztekiek izanen dute lehentasuna eta izen ematearen ordenean beteko dituzte lekuak.