Xabier Orbegozo Arria V.ak apustua egiteko desafioa luzatua zion edozein aizkolariri: 45 ontzako hamar enbor moztu eta hamar kilometro lasterka egitea zen bere proposamena, berak eramandako enborrekin, martxoan. Igandean paratua zuen hitzordua Tolosako Kantabriko ostatuan eta Zigako Joxean Etxeberria izan zen azaldu zen bakarra. Halere, ezin izan zuten akordiorik lortu.
Izan ere, Joxean Etxeberriak dagoeneko aizkora apustua hitzartua du Jokin Urretabizkaia Basozabalekin martxoaren 8an Donezteben. 12 kanaerdiko eta 60 ontzako sei enbor moztu beharko dituzte, 4.000 euro jokoan dituztela.
Honela, Arria V.aren kontrakoa martxoan izan beharrean, urte akabailan izatea eta egur gehiago moztea ere proposatu zuen Etxeberriak, baina ez zen adostasunik izan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.