Baztan Kirol Elkarteak mendeurrenaren ospakizunetan murgildurik segitzen du eta abenduaren 28an Giltxaurdin aurrez aurre izan ziren Baztan futbol taldeko eta Donostiako Real Sociedad taldeko beteranoak. Donostiarrak 2-4 nagusitu ziren, baina partida ederra ikusi ahal izan zuten Giltxaurdira hurbildutakoek, eguraldi bikaina lagun.
Baztan futbol taldeko golak Aletxuk eta Axier Lizartzak egin zituzten eta donostiarrenak, berriz, Alex Aizpuruak (3) eta Eugenio Carok. Partidaren ondotik, elkarrekin ospatu zuten bi taldeek eta Iriarte pilotalekuan ttikienendako puzgarriak ere izan zituzten.
