Eguberri egunean Elizondotik bueltatzeko autobus zerbitzua antolatu dute

Inguruko gazte aunitzen bilgunea izaten da abenduaren 25eko arratsa Elizondon eta besta ondotik, etxera itzultzeko autobus zerbitzua antolatu du Baztango Udalak. Arizkun alderat joateko busa 03:30ean, 05:00etan eta 06:30ean abiatuko da, eta herri guzietatik pasako da. Lekaroz alderat joateko, berriz, 04:00etan, 05:30ean eta 07:00etan izanen da autobusa. Bidaia hiru euro izanen dira eta plazatik abiatuko dira busak.