Baztango Eskola Ttikien San Silvestrea eginen dute bihar goizean Iruritan. 09:15ean hasiko da jardunaldia, ongietorri ekitaldiarekin, eta 09:30ean haur jokoak izanen dituzte. 10:30ean dortsalak banatzen hasiko dira eta 10:45ean abiatuko da lasterketa. 11:15ean diplomak banatuko dituzte eta goiza borobiltzeko, 11:30ean luncha izanen da.
Elizondo Lanbide Eskolako Zuzendaritzari Laguntza Goi Mailako ikasleak arduratu dira antolakuntzaz, hurrengo helburuekin: «eskola ttikietako ikasleen arteko harremana sustatzea, kirol eta besta espiritua bultzatzea, urte akabaila modu berezian ospatzea eta hezkuntza eta gizarte balioak sustatzen dituen lasterketa inklusibo bat antolatzea». Horretarako, «parte hartzea, dibertsioa, errespetua eta laguntasuna landuko ditugu».