Alde batetik Arraiozen hasi dute bilketa. Ortzeguna arte bilduko dute materiala Zubiondo ostatuko biltegian, eta hiru furgonetetan eta kamio batean eramenen dituzte Valentziara. Honako zerrenda osatu dute bildu beharreko materialarekin:
- Lanerako materiala: katiuskak, palak...
- Basura poltsak.
- Desinfektatzeko produktuak.
- Apositoak, gasak eta betadine.
- Maskarak eta eskularruak.
- Arropa.
- Haurrendako janaria: esnea, pixoihalak...
- Garbiketarako materiala: isatsak, fregonak, trapuak...
- Pertsona adinduendako produktuak: pixoihalak, oihal xurgatzaileak, xaboidun esponjak, toallita haundiak...
- Higiene pertsonalerako produktuak.
- Ura eta janaria: sobreko zopak, latako eltzariak...
Elizondon ere hasi dute janari bilketa eta bihar, azaroaren 5a, bilduko dute Aise Elkartean 09:30etik 13:00etara eta 15:30etik 19:00etara. Bildutako material dena asteazkenean eramanen dute Valentziara Baztango boluntario batzuek. Honako produktuak eskatu dituzte:
- Maskarak.
- Linternak.
- Higiene pertsonaleko produktuak: xaboia, xanpua, pasta eta hortzetako eskuinak, pixoihalak, eskuoihalak, komuneko papera, konpresak...
- Lehen sorospenerako botikina: gasak, parazetamola...
Elbeten ere bilketa hasi dute eskolan. Gaur hasi dira bilketarekin eta astearte arratsaldean eta asteazkenean 10:30etik 13:00etara eta 18:30etik 20:30era ere egonen dira materiala eta janaria biltzen.