Aranzadi zientzia elkartearekin eta Baztango Talde Ekosozialarekin elkarlanean antolatutako saioan, Jon Garin eta Iñaki Mezquita Aranzadiko adituak hezeguneetako flora eta faunaz aritu ziren, bereziki anfibio eta odonatuez. Espezie indikatzaile horien jarraipena egiteko alderdi teorikoak aztertuta, CIL eraikinaren gibeleko putzurat abiatu ziren saio praktikoa egin ahal izateko.
Formazioaren helburuetako bat heldu den urtean laginketak egiteko prestaketa ematea eta boluntarioak bilatzea zen, eta helburua aski ongi bete zen, behaketarako taldea handitu baita.
Baztango putzuen azterketa Aranzadi zientzia elkartea klima aldaketari buruz egiten ari den ikerketa zabalago baten barnean dago.