10:00etan dianarekin abiatuko dute eguna, herriko gaiteroen eskutik. 12:00etan bertso poteoa eginen dute tabernaz taberna, Maddi Ane Txoperena eta Ekhiñe Zapiain bertsolariekin. 14:30ean, berriz, bazkaria izanen da elkartean: entsalada epela, ajoarrieroa, oilaskoa arrozarekin, izozkia, kafea eta kopa. Ondotik mahai inguruko kantak izanen dituzte, Modestok alaiturik.
18:30ean, berriz, dantzaldia izanen dute Modestorekin, eta ilunabarrean pintxoak jateko aukera izanen da. 23:00etan Troleke Gorontxo izanen da eta ondotik bestak elkartean segituko du.