Duela hiru urte sortu zen taldea, «kapitalismoa bizitzeko baldintza biofisiko eta sozial guztiak xehatzen ari dela kezkaturik; klimaren aldaketa, krisi energetikoa, biodibertsitatearen gainbehera…». Horiei buruzko mintzaldiak, mahai inguruak, elkarretaratzeak… antolatzen ditu taldeak, «alternatibei buruzko gogoeta bultzatuz».
Horrez gain, «justizia sozialean eta lurraren muga biofisikoen barnean bizi ahal izateko proposamenak» lantzen ditu, «bidezko alternatiba horietan indar berezia egiten eta geroaldi zuzenagoa ahal dela guztiz sinetsirik».
Hortaz, gai horiekin kezkatuak dauden edo gehiago jakin nahi duten herritarrak gonbidatu dituzte aurkezpenera, eta mokadua hartzera bidenabar.