Azaldu dutenez, «azken urteetako etxebizitza turistikoen gorakada neurrigabeari, bigarren etxebizitza eta etxeen hutsen problematika gehituz gero, Baztango egoeraren larritasunaz jabetuko gara. Horren ondorio dira gazteek etxeak alokatzeko ezintasuna, urte osoko alokairuen gabezia edota erosterako garaian, etxebizitzen prezio estratosferikoak».
Arazoa «kolektibizatuz eta herritarrok ardura hartuz, problematikari aurre egiteko gaitasuna dugula sinetsiak gaudelako bilduko gara batzarrean urriaren 10ean. Gaiaren inguruko interes edo kezka duen edonor dago hurbiltzera gonbidatuta».