Baztango Berdintasun Batzordeak, Talde Feministaren laguntzarekin, Bakarrizketa feministak umorearen klabean zikloa antolatu du irailean eta urrian. Azaldu dutenez, «umorea arma garrantzitsua da feminismoarendako, bidegabekeriak pairatu arren, emakumeok bizitzeko eta ongi pasatzeko gogoa dugulako».
Heldu den astean izanen da lehenbiziko emanaldia, baina ez da bakarra izanen. Urriaren 3an Ane Lindane umorista Erratzun izanen da, 19:00etan herriko elkartean. Urriaren 24an, berriz, Maria Blancok bere bakarrizketa aurkeztuko du Anizko elkartean 19:00etan.