Egitarau bete betea izanen dugu irailaren 7an. Goizeko zortzietan izanen den mendi itzuliarekin hasiko dugu eguna. Ondotik, 11:00etan mus txapelketa eta haurrendako jostetan izanen dira eta 12:30ean Baztan Kantuz eginen dute. 14:30ean bazkaria izanen dute eta bazkalondoan Andoni Mitxelenarekin dantzaldia. Afalondoan, berriz, 21:30ean, DJ J&J ariko dira giroa alaitzen.
Bazkariko txartelak dagoeneko salgai daude Basaburuko herri guztietan, 35 euroan. Heldu den astelehena, abuztuaren 26a izanen da txartelak erosteko hondar eguna. Hortik goiti erosten duenak 5€ gehiago ordaindu beharko ditu.