Iruñeko Gazte Orkestrak hainbat emanaldi aurkeztu ditu azken egunetan Baztanen; kalejira, haurrendako ipuin musikatua, ganbera musika kontzertua… eta asteburuan borobildu dute egitaraua Elizondon.
Ortziralean elizan egin zuten emanaldia, Martinu, Dvorak, Mozart, Beethoven eta Camille Saint-Saëns autoreen lanak aurkeztuz. Orkestrak organoarekin batera jo zuen, soinu berezi eta ederra sortuz.
Larunbat ilunabarrean, berriz, Camille Saint-Saënsen Printzesa Horia opera aurkeztu zuten Iriarte pilotalekuan, beroari aurre eginez. Ikuskizun ederra egin zuten; Saioa Goñi eta Roberto Olabarria izanen ziren ahots nagusiak, Elizondoko Abesbatza Ttikiaren laguntzarekin. Mirari Etxeberriak zuzenduko zuen ikuskizuna eta Erik Rodriguez izan zen eszena zuzendaria.